Арақчи: Біз Иранды қорғау жолындағы абыройлы дипломатияны құптаймыз
ParsToday – Иран Сыртқы істер министрі: «Біз өзімізді қорғауға бұрын-соңды болмағандай дайынбыз», – деп мәлімдеді.
ParsToday Иран Телерадио бірлестігі хабар тарату агенттігіне сілтеме жасай отырып хабарлауынша, Иран Сыртқы істер министрі Сейед Аббас Арақчи Бағдатта өткен Ислам Ынтымақтастығы Ұйымына (ИЫҰ) мүше елдердің сыртқы істер министрлерінің 52-ші отырысы аясында журналистер ортасында былай деді: «Біз ешқандай жағдайда қоқан-лоққыларға бой алдырмаймыз. Біз өзімізді қорғауға бұрынғыдан да дайынбыз. Сонымен қатар, егер дипломатия абыройлы әрі адал болып, Иран халқының құқықтарын қамтамасыз ететін болса, біз оны жүргізуге дайынбыз».
Ол былай деп қосты: «Біздің шарттарымыз толығымен түсінікті және АҚШ-қа 7 күндік жоспар түрінде ұсынылды, олар өз пікірлерін білдірді, ал біз әлі де жауап беріп жатырмыз. Біздің ойымызша, 7 күндік жоспар талқылануда, ал егер АҚШ жағында адалдық болса, онда жол ашық. Егер олар осы шарттар бойынша әрекет етсе, бұғаз алтыншы күні ашылып, жетінші күні келіссөздер басталады».
Арақчи былай деп жалғастырды: «Өкінішке орай, көптеген даулы себептерге байланысты Ислам Ынтымақтастығы Ұйымы жақсы нәтиже көрсете алмады, бірақ Мавританияның бұрынғы сыртқы істер министрі болып табылатын жаңа Бас хатшының тағайындалуымен және кезектесіп төрағалық етудің Иракқа ауысуымен біз бұл ұйымның жаңа қарқын алатынына үміттенеміз».
Иран Сыртқы істер министрі былай деп атап өтті: «Ұйым ислам елдері арасындағы дауларды шешуде сындарлы рөл атқарады деп күтілуде».
