Қалибаф: Дұшпандардың қастық әрекеттері Иран халқының ерік-жігеріне еш әсер етпейді

Иран Ислам Кеңесі Мәжілісінің төрағасы Кермандағы лаңкестік оқиғада қаза тапқандарға байланысты көңіл айтып: "Дұшпандардың қастық әрекеттері Иран халқының ерік-жігеріне еш әсер етпейді",-деді.

Iran Press ақпарат агенттігінің хабарлауынша, Мұхаммед Бағер Қалибаф Керманның шәһидтер зиратына барар жолда болған лаңкестік жарылыстардан көптеген адамның қаза тауып, жараланғанына өкініш білдіріп: "Дұшпандардың Иран халқына жауластығы мен ұятсыздығының шарықтау шегінде жасалып, қорғансыз ерлер, әйелдер мен балаларды қанға бөктірген антигуманистік әрекет осындай надандар мен тасжүректердің ИИР жүйесінің арман-мақсаттарын қорғап, шәһидтерге адалдықтарын білдірген халықтың жаппай қатысуынан қаншалықты қорқып, алаңдайтынын көрсетті",-деді.

Қалибаф: "Иранның ержүрек әрі діншіл халқы жылдар бойы табандап қорғап келе жатқан революциялық ұстанымдарға адалдықтан бас тартпайды. Дұшпандардың қастық әрекеттері Иран халқының ерік-жігеріне еш әсер етпейді",-деді.