Саларие: Иранда жаңа ғарыш жобалары ашылады
ParsToday - Иранның Ұлттық ғарыш технологиялары күніне орай елде жаңа ғарыш жобалары ашылады.
Иран Ғарыш ұйымының басшысы Хасан Саларие жыл соңына дейін елде жер серіктерін ұшыру және жаңа ғарыш жобаларын іске қосу жоспарларын жариялап, былай деді: «Шәһид Сүлеймани жер серігі жүйесінің түпнұсқа прототипінің тұсаукесері алғаш рет ғарыш технологиялары күнінде (3 ақпан) өтеді және біз отандық ұшырғыштармен және Чабахардан ұшыруға тырысып жатырмыз».
ParsToday-дың хабарлауынша, ол былай деп қосты: «Санкцияларға қарамастан, Иран ғарыш саласындағы білімге қол жеткізуде аймақтық елдер арасында жоғары деңгейде». Саларие былай деп мәлімдеді: «Мамандандырылған адами ресурстар мен жергілікті білімге сүйене отырып, Иран жер серіктерін жобалау, салу және ұшырудың толық тізбегіне ие болды; бұрын әлемнің тек 10 еліне ғана қолжетімді болған цикл».
