Клинтон Иранға қарсы жаңа санкция салуды сұрады

АҚШ президенттік сайлауының демократтар партиясының үміткері Иранның зымырандық сынақтарын сынға алып, Теһранға қарсы тез арада санкция салуды сұрады.

Пресс ТВ-дің мәліметі бойынша, АҚШ президенттік сайлауының демократтар партиясының үміткері Хиллари Клинтон дүйсенбі күні АҚШ пен Израильдің қоғамдық қарым-қатынастар комитеті АІРАС-тың отырысында Иранның таяуда өткізген зымырандық сынақтарын сынға алып, Теһранды лаңкестерді қолдаушы деп айыптап, Иранға қарсы қазіргі санкцияларды сақтап, тез арада жаңа санкциялар салуды сұрап: «АҚШ пен Израиль ортақ дұшпанды жеңіп, ортақ құндылықтарын ілгерілету үшін ынтымақтастықтарын нығайтуы қажет»,- деп баса айтты.