Қырғызстан мен Қазақстан арасындағы шекара қайшылықтары аяқталды

Қырғызстан мен Қазақстан арасындағы шекара қайшылықтары екі ел премьер-министрлерінің бірінші орынбасарларының келісімге келіп, ынтымақтастық жол картасына қол қоюының нәтижесінде аяқталды.

ИРНА ақпарат агенттігінің мәліметі бойынша, келісімге Қазақстан Премьер-Министрінің бірінші орынбасары Асқар Мамин мен Қырғыз Республикасының Вице-премьер-министрі Толкунбек Абдыгулов қол қойды. Келісім бойынша екі елдің шекаралары желтоқсанның 3 бастап, жұмысын бұрынғы қалпында жалғастырады.

Қырғыз Республикасы Вице-премьер-министрінің сапары Қырғызстанның жаңа сайланған Президенті Сооронбай Жээнбеков  Ұжымдық Қауіпсіздік Шарт Ұйымының (ҰҚШҰ)  Минск  саммитінде қазақстандық әріптесі Нұрсұлтан  Назарбаевпен кездескеннен кейін орын алды.

Қазақстан мен Қырғызстанның қарым-қатынастарындағы қайшылық ежелден келе жатқан мәселе. Бірақ, қайшылықтар өткен айларда күшейіп, Астана үкіметі қазан айының 10 күні Қырғызстан шекарасында жолаушылар мен тауардың өтуіне шектеу қойған болатын.