Өзбекстан мен Қазақстан газының Тәжікстанға экспорты тоқтатылды

Тәжікстан Өзбекстан мен Қазақстан газы импортының тоқтатылғанын хабарлады.

Тәжікстан үкіметі: «Қазақстан бір айға, Өзбекстан 2020 жылдың соңына дейін газ конденсатының Тәжікстанға импортын тоқтатты»,-деп мәлімдеді.

Әзірге Өзбекстан мен Қазақстан газының Тәжікстанға экспортының тоқтатылу себебі жарияланбады.

Тәжікстанға газ конденсатының импорты көбіне Қазақстан, Өзбекстан мен Ресей арқылы қамтамасыз етіледі.

Тәжікстан басшыларының айтуынша, Өзбекстан мен Қазақстан газының  Тәжікстанға экспортының тоқтатылуы жалғасатын болса, бұл елдің нарығындағы басқа тауарлардың бағасы өсетін болады.