Иран СІМ-де Украинадағы өзгерістерге қатысты арнайы штаб құрылды
Иран СІМ-нің баспасөз хатшысы осы мекемеде Украинадағы өзгерістерге қатысты арнайы штаб құрылғанын хабарлады.
Саид Хатибзаде бейсенбі күні кешке Иранның Екінші арнасына берген сұхбатында Иран СІМ-нің бірнеше аптадан бері Украинадағы өзгерістерді жіті бақылап отырғанын және тиісті сараптамалық жұмыстар жасап жатқанын айтып: «Бұл министрлікте Украина мәселесін жақыннан қадағалау үшін арнайы штаб құрылды»,-деді.
Хатибзаде Иран үкіметінің Украинадағы өзгерістерге қатысты ресми ұстанымы туралы: «Қазіргі таңда Иранның айналасында Каспий теңізі мен Еуразия аймағында болып жатқан оқиғалар – саяси-экономикалық, әскери және мәдени салаларда жылдар бойы атқарылған арандатушылық әрекеттердің салдары. Бұған қатысты ескертулер жасалды, бірақ олар назарға алынбады»,-деді.
