АҚШ Украинаға қашықтан басқарылатын әскери құрал-жабдықтар береді
Бір америкалық ақпарат құралының хабарлауынша, АҚШ Украинаға жаңа әскери көмек қалыбында "Экскалибур" атты қашықтан басқарылып, нысанаға дөп тиетін снаряд беруді жоспарлап отыр. Бұл снаряд артиллериялық құралдан атылу қабілетіне ие.
"Экскалибур" снаряды әлі АҚШ-тың жаңа қауіпсіздік көмегі тізіміне енгізілген жоқ. Оны Украинаға тапсыру мерзімі нақтыланбады.
АҚШ Қорғаныс министрлігі жұма күні Украинаға құны 775 млн доллар тұратын жаңа әскери көмек берілетінін хабарлады.
Пентагонның мәлімдеуінше, әскери көмек құрамына 15 ұшқышсыз ұшақ және HIMARS зымырандық кешеніне қажетті оқ-дәрілер бар.
Сондай-ақ АҚШ-тың Украинаға жаңа әскери көмегі құрамында 1000 TAU зымыраны мен 1000 Javelin танкке қарсы зымыраны бар.
Ал бұл жағдайда Ресей Қорғаныс министрлігі бірнеше күн бұрын: "Ресей армиясы Умань қаласы маңында бір оқ-дәрі қоймасын талқандады",-деп жариялады. Кейбір деректер бойынша, бұл қоймада АҚШ-та жасалған HIMARS және Howitzer зымырандары сақталған.
