Иран волейболының алғашқы жеңістері

Иранның волейболмен таныстығы Екінші дүниежүзілік соғыс барысында Иранды одақтастар басып алған кезде басталды. Тіпті, Анзали айлағында Кеңес одағының волейбол командасымен бір достық ойыны өтіп, Иран жеңген болатын. Иранда волейбол заңдары туралы алғашқы кітап 1954 жылы жазылды. Иран Азия ойындарына да қатысты. Бірақ, ешқашан соңғы жылдардағыдай жүлделі орындарға ие болмады. 1999 жылы ирандық волейболшы Беһнам Махмуди Азия чемпионатында ең үздік волейболшы атанды. 2009 жылы Азия волейбол конфедерациясы кубогында Иран алғаш рет жеңімпаз атанды. 2010 және 2013 жылдары волейболдан Азия чемпионаттарында Иран екі кезең қатарынан жеңді. Мықты бәсекелестердің болғанына қарамастан, Иран 2014 жылы бірінші рет әлемдік волейбол лигасына жолдама алды. Сол алғашқы қатысуында-ақ әлем бойынша 4-ші орынға көтерілді. Соңғы жылдары Иран ерлер арасындағы волейболдан әлемдік рейтингте әрдайым 10 үздік елдің қатарында келеді. Сонымен қатар Иран командасы Азия құрлығында ерлер арасындағы волейболдан ең үздік команда саналады.