Serbia liron dy pjesëtarët e FSK-së

Dy pjesëtarët e FSK-së nga radhët e komunitetit serb të arrestuar nga Serbia të premten , janë liruar.

Lajmin e ka konfirmuar  Ministri i FSK-së, Rrustem Berisha, i cili ka thënë se lirimi i tyre është bërë të premten, në orën 10:00. Për ndalimin e pjesëtarëve të FSK-së nga ana e Serbisë pas kalimit të pikës kufitare në Bërnjak, të premten kishte reaguar dhe MPJ e Kosovës. Kjo ministri në reagimin e saj kishte shprehur indinjatën për sjelljet e Serbisë.Dy pjesëtarë serbë të FSK-së ndalohen në Serbi, MPJ kërkon nga Beogradi të heqë dorë nga këto veprime. Dy pjesëtarë serbë të FSK-së ndalohen në Serbi, MPJ kërkon nga Beogradi të heqë dorë nga këto veprime“Ministria e Punëve të Jashtme proteston për sjelljet e tilla të pahijshme dhe tendencioze ndaj pjesëtarëve të Institucioneve të Republikës së Kosovës, me theks të veçantë kur bëhet fjalë për pjesëtarët e FSK-së dhe të komunitetit serb të Kosovës”, thuhej ndër të tjera në reagimin e MPJ-së. Ndryshe, arrestimi i pjesëtarëve të FSK-së nga ana e Serbisë nuk është rasti i  vetëm. Pjesëtarët e Policisë serbe vite më parë kishin arrestuar edhe disa pjesëtarë të Policisë së Kosovës në kufirin Kosovë- Serbi.