IRGC identifikon agjencitë e kultivimit të terroristëve në vendet fqinje
Komandanti i Forcave Tokësore të Korpusit të Gardës së Revolucionit Islamik (IRGC) tha se Irani ka identifikuar disa institucione në vendet fqinje që trajnojnë terroristët.
Duke folur të dielën, gjeneral brigade Mohammad Pakpour tha se armiku përdor kapacitetin e ISIS-it dhe grupeve terroriste Salafiste për ta bërë rajonin të pasigurt.
“Agjencitë e spiunazhit të armikut janë të ngarkuara me zhvillimin dhe projektimin e akteve terroriste, si dhe pajisjen, drejtimin dhe organizimin e terroristëve,” shtoi ai.
“Në disa vende të huaja, krijohen institucione për mbarështimin e terroristëve dhe diversantëve të cilët janë marrë në shërbim për të kryer akte terrori. Disa nga këto institucione janë përgjuar dhe identifikuar në disa shtete fqinje”.
Gjeneral brigade Mohammad Pakpour iu referua gjithashtu rolit të rëndësishëm dhe efektiv të luajtur nga Forca Tokësore e IRGC-së në mbrojtjen e sigurisë së qytetarëve iranianë.
Forcat iraniane kanë zbuluar dhe neutralizuar shumë komplote terroriste, tha ai, duke paralajmëruar megjithatë se armiku krijon komplote të reja pas çdo dështimi.
