Araghchi: Irani do të përgjigjet menjëherë ndaj çdo sulmi

Pars Today-Ministri i Jashtëm iranian Abbas Araghchi ka paralajmëruar se Irani do të kundërpërgjigjet menjëherë ndaj çdo sulmi kundër vendit.

"Nuk ka asnjë opsion ushtarak, dhe sigurisht asnjë zgjidhje ushtarake. Çdo goditje do të marrë menjëherë përgjigje reciproke," shkroi të hënën Araghchi në llogarinë e tij në rrjetin X.

Ai hodhi poshtë fantazinë e regjimit izraelit për t'i diktuar ndonjë gjë Iranit dhe tha: "Ky regjim është aq i shkëputur nga realiteti sa vështirë se meriton një përgjigje".

"Ajo që bie në sy, megjithatë, është se si me pafytyrësi kryeministri izraelit Benjamin Netanyahu po dikton tani se çfarë mund dhe nuk mund të bëjë presidenti amerikan Donald Trump në diplomacinë e tij me Iranin", tha ai.

"Me lehtësi, aleatët e Netanyahut në Ekipin e Dështuar të Bidenit - të cilët nuk arritën një marrëveshje me Iranin- po i cilësojnë në mënyrë të rreme negociatat tona indirekte me administratën Trump si një tjetër JCPOA," theksoi kryediplomati iranian.

Ai përsëriti forcën dhe besimin e Iranit në aftësitë e tij për të penguar çdo përpjekje të aktorëve të jashtëm keqdashës për të sabotuar politikën e tij të jashtme ose për të diktuar kursin e tij.

"Ne vetëm mund të shpresojmë që homologët tanë amerikanë të jenë po aq të palëkundur," vuri në dukje ai.

"Shumë iranianë nuk besojnë më se JCPOA është e mjaftueshme. Ata kërkojnë dividentë të prekshëm," tha Araghchi.