Konflikti në Nagorni Karabak, Irani aktivizon Mbrojtjen Anti-Ajrore

Kërcënimi më i vogël për Iranin do të pasohet menjëherë nga reagimi i Ushtrisë, Korpusit të Gardës Revolucionare Islamike dhe Trupave të Gardës Kufitare.

Komandanti i Mbrojtjes Anti-Ajrore në veriperëndim të Iranit tha të premten se njësitë e Mbrojtjes Anti-Ajrore ishin vendosur në kufijtë iranianë për të garantuar sigurinë e zonave fqinje me zonat e konfliktit në Nagorni-Karabak. "Tani për tani, siguria mbretëron në rajonet në kufi me Iranin," tha ai, duke shtuar se ushtria, IRGC dhe Trupat e Gardës së Kufirit nuk do të hezitojnë t'i përgjigjen çdo veprimi që do të përfaqësonte një kërcënim për Iranin. “Të gjitha Forcat e Armatosura janë në gjendje të lartë gatishmërie. Ata monitorojnë nga afër konfliktet, si në tokë ashtu edhe në ajër, ”tha gjeneral brigade Abas Azimi. Të enjten në mbrëmje, zëdhënësi i Ministrisë së Jashtme iraniane Said Khatibzadeh tha se Republika Islamike e Iranit nuk do të qëndrojë duarkryq përballë zjarrit me raketa që synon kufijtë e saj. "Siguria e qytetarëve iranianë që banojnë në zonat kufitare është vija e kuqe e Forcave të Armatosura," tha ai. Dhjetë raketa kanë qëlluar dy fshatra në qarkun Koda Afarin në Provincën e Azerbajxhanit Lindor në Iran, duke shkatërruar një ndërtesë dhe duke plagosur një person, ka thënë agjencia iraniane e lajmeve, IRNA, duke cituar një person zyrtar. Koda Afarin gjendet në kufi me territorin e kontrolluar nga autoritetet etnike të Armenisë në rajonin e Nagorni-Karabaukut, i cili njihet ndërkombëtarisht si pjesë e Azerbajxhanit.