Sanksionet e SHBA i nxorën kompanitë amerikane jashtë tregut të Iranit

Ministri i Jashtëm iranian Muhamed Xhavad Zarif kundërshtoi me forcë një pretendim nga homologu i tij amerikan se Irani nuk lejoi kompanitë amerikane në tregun e tij pas arritjes së marrëveshjes bërthamore të vitit 2015, që do të inkurajonte tregtinë e jashtme me Republikën Islamike.

Sekretari i Shtetit i SHBA Mike Pompeo pohoi në një intervistë me Washington Examiner më parë se pas marrëveshjes, "bizneset amerikane nuk u lejuan të tregtonin" në Iran. Zarif, megjithatë, u përgjigj në një postim të Enjten, duke thënë: "Kufizimet e tuaja në të vërtetë sanksionuan kompanitë amerikane nga tregu i Iranit me burimet e tij të pashembullta natyrore dhe njerëzore. Dhe politika juaj e paligjshme #MaximumFailure anuloi kontratën e Boeing për 88 avionë civilë - duke kushtuar jetë iraniane, por edhe vende pune amerikane". Ai aludoi me refuzimin e administratës së ish Presidentit të SHBA Barack Obama për të hequr plotësisht pengesat që qëndronin në rrugën e tregtisë së kompanive amerikane dhe kompanive të tjera të huaja me Iranin pasi marrëveshja bërthamore hyri në fuqi, pavarësisht pretendimeve verbale të Uashingtonit se nuk kundërshtonte rihapjen e kanaleve të biznesit ndërkombëtar me Republikën Islamike.