Hakmarrja për vrasjen e Gjeneral Soleimanit do të jetë e ashpër

Zëvendëskomandanti i Forcës Kuds të Korpusit të Gardës Revolucionare Islamike tha se "hakmarrja e ashpër" për vrasjen e gjeneralit Soleimani do të jetë patjetër në rendin e ditës, pavarësisht nga dy shuplakat e tjera që SHBA-të kishin marrë për këtë atentat frikacak.

Gjeneral Brigade Muhamed Hexhazi tha: “Varrimi solemn i dëshmorëve Soleimani dhe Abu Mahdi al-Mouhandes dhe sulmi me raketa në bazën ushtarake amerikane të Ain al-Asad ishin dy shuplaka nga Irani në fytyrën e Shteteve të Bashkuara. Dy goditjet e radhës janë disfata logjistike e Shteteve të Bashkuara në rajon dhe dëbimi i forcave amerikane nga rajoni." "Këto janë vetëm shuplaka, ndërsa hakmarrja do të jetë e ashpër," shtoi gjenerali Hexhazi, duke paralajmëruar ata që urdhëruan dhe kryen sulmin, se Republika Islamike sipas situatës do të vendosë se si dhe kur të hakmerret.