Irani së shpejti fillon vaksinimin kundër virusit Korona

Ministri i Shëndetësisë së Iranit ka deklaruar se së shpejti do të fillojë vaksinimi i qytetarëve në Iran kundër virusit Korona.

Agjencia e lajmeve IRIB njoftoi se Sa'id Namaki, ministri i shëndetësisë së Iranit, ditën e hënë vuri në dukje përpjekjet dhe punën që po bëhet për prodhimin e vaksinës iraniane kundër virusit Korona dhe shtoi: "Importi i vaksinës kundër virusit Korona në Iran do të filloi së shpejti. Me importimin e një pjese të dozave të vaksinës kundër virusit Korona, do të fillojë vaksinimi i grupeve të qytetarëve të cilët janë klasifikuar më të ndjeshëm dhe në rrezik më të madh".

Gjithashtu, Hoxhetullah Niki Malaki, shefi i zyrës informative në shtabin kombëtar kundër Koronas, ka deklaruar: "Pas vëzhgimit dhe mbikëqyrjes së gjendjes shëndetësore të 21 personave që kanë marrë vaksinën iraniane kundër virusit Korona, është lëshuar leje për injektimin e vaksinës edhe te 14 vullnetarë të tjerë në kuadër të procesit për testimin e vaksinës iraniane kundër virusit Korona".