Ruhani theksoi nevojën për bashkëpunim të vazhdueshëm midis Teheranit dhe Ankarasë

Presidenti i Republikës Islamike të Iranit i konsideroi marrëdhëniet e sinqerta dhe miqësore me Turqinë si një vend fqinj dhe mysliman me shumë rëndësi për Iranin dhe theksoi zhvillimin dhe thellimin e marrëdhënieve me këtë vend në fusha të ndryshme politike, ekonomike dhe tregtare.

Në një bisedë telefonike me Presidentin turk Rexhep Tajip Erdogan të Mërkurën në mbrëmje, Hassan Rouhani përgëzoi qeverinë dhe popullin për muajin e shenjtë të Ramazanit dhe më pas iu referua bashkëpunimit Teheran-Ankara për çështje rajonale dhe ndërkombëtare, duke përfshirë zgjidhjen e krizës siriane përmes bisedimeve të Astanasë. Në një pjesë tjetër të bisedës së tij me Rexhep Tajip Erdogan, Ruhani, duke iu referuar lëvizjeve të fundit dhe akteve terroriste të regjimit sionist në rajon, si dhe terrorizmit bërthamor, theksoi: "Bashkëpunimi midis vendeve të rajonit është thelbësor për të garantuar sigurinë , paqen dhe stabilitetin ". Në këtë telefonatë, presidenti turk Rexhep Tajip Erdogan gjithashtu përgëzoi qeverinë dhe popullin e Iranit për ardhjen e muajit të shenjtë të Ramazanit. Ai më tej theksoi vullnetin serioz të Ankarasë për të zhvilluar dhe thelluar marrëdhëniet miqësore me Republikën Islamike të Iranit. Në këtë telefonatë, Erdogan shprehu kënaqësinë që bashkëpunimi midis dy vendeve të vazhdojë edhe sa i përket shpërthimit të virusit Korona.  Ai e quajti takimin e Komisionit të Përbashkët Ekonomik Iran-Turqi në fund të Prillit një shembull i qartë i vendosmërisë së lartë të dy vendeve për të zhvilluar marrëdhëniet dypalëshe, veçanërisht në fushat ekonomike dhe tregtare.