Nis procesi i regjistrimit të kandidatëve për zgjedhjet presidenciale në Iran

Në Iran ka filluar regjistrimi i kandidatëve për zgjedhjet e 13-të presidenciale.

Sipas agjencisë së lajmeve Mehr, regjistrimi i kandidatëve për zgjedhjet e 13-të presidenciale në Iran filloi këtë mëngjes, në selinë qendrore zgjedhore të vendit, në Teheran. Procesi i zgjedhjeve të 13-ta presidenciale të Iranit filloi zyrtarisht me urdhër të Ministrit të Brendshëm Abdolreza Rahmani Fazli dhe me fillimin e procesit të regjistrimit për 5 ditë, në selinë qendrore zgjedhore të vendit. Regjistrimi i kandidatëve për zgjedhjet presidenciale në Iran do të bëhet nga ora 8 e mëngjesit deri në orën 6 të pasdites dhe secili kandidat duhet të ketë dokumentet e nevojshme për t'u regjistruar në përputhje me rezolutën e re të Këshillit Mbrojtës. Zgjedhjet e 13-ta presidenciale në Iran do të mbahen më 18 qershor.