Eragçi: Raundi tjetër i bisedimeve mund të jetë raundi i fundit

Kreu i ekipit negociator iranian tha se raundi tjetër i bisedimeve mund të jetë raundi i fundit, duke shtuar se anëtarët e marrëveshjes bërthamore dhe amerikanët duhet të marrin vendimet e tyre të prera.

"Seyyed Abbas Eragçi", kreu i ekipit negociator iranian, të mërkurën në mbrëmje pas përfundimit të raundit të pestë të bisedimeve të Komisionit të Përbashkët në Vjenë deklaroi: Anëtarët e tjerë të marrëveshjes bërthamore dhe Amerikanët duhet të vendosin dhe të radhiten me pozicionet e Republikës Islamike. Kreu i ekipit negociator iranian shtoi: Mënyra me të cilën Shtetet e Bashkuara duhet të kthehen në marrëveshjen bërthamore dhe mënyra e verifikimit dhe kthimi pasues i Iranit në detyrimet e tij ndaj marrëveshjes bërthamore duhet të zbatohen në një mënyrë që është rënë dakord nga të dy palët dhe që njëkohësisht duhet të jenë në shërbim të interesave të Republikës Islamike të Iranit. Eragçi tha: Tekstet e pjesëve të ndryshme të negociatave janë shkruar, por ka ende shumë për të bërë përpara se të arrihet një marrëveshje përfundimtare. Takimi i Komisionit të Përbashkët të marrëveshjes bërthamore u mbajt  të Mërkurën në Vjenë, me praninë e përfaqësuesve të Iranit dhe grupit P4 + 1 (Kina, Franca, Gjermania, Rusia, Britania). Në këtë takim, u vendos që gjatë vazhdimit të kontakteve dhe diskutimeve në nivelin e ekspertëve, krerët e delegacioneve të largohen për disa ditë për konsultime dhe udhëzime në kryeqytetet dhe bisedimet do të rinisin në ditët në vijim. Republika Islamike e Iranit ka deklaruar se do të kthehet në angazhimet e saj kur Shtetet e Bashkuara të heqin të gjitha sanksionet anti-Iran në praktikë dhe kur heqja e sanksioneve të verifikohet nga Irani.