Pars Today

Nga çfarë kanë frikë Shtetet e Bashkuara? Po liria e fjalës dhe e shprehjes?

Për disa orë dhe në kundërshtim flagrant me lirinë e shtypit, administrata amerikane ka bllokuar faqet e internetit të afërta me Boshtin e Rezistencës, duke përfshirë al-Alam, Press TV, al-Masirah, al Maluma ... dhe lista vazhdon të rritet. Tani është e qartë se liria për të përcjellë një mesazh tjetër nga ai që transmetohet nga media politikisht korrekte është jashtëzakonisht e frikshme për sionizmin ndërkombëtar, i cili ka ndërtuar një perandori të tërë mediatike të gënjeshtrave, falsifikimeve dhe shtrembërimeve të realitetit. Faqet iraniane të lajmeve al-Alam dhe Press TV, Al Masirah e Jemenit, si dhe dhjetëra faqe të tjera irakiane të lajmeve të afërta me Rezistencën u bllokuan nga administrata e SHBA të Martën (22 Qershor). Vizitorët në tre platforma u përballën të Martën me një njoftim ku thuhej se ata ishin sekuestruar sipas ligjeve të SHBA që lejojnë konfiskimin civil dhe penal të pasurisë së përfshirë në "trafikimin e teknologjisë bërthamore, kimike, të armëve ose materialeve biologjike ose radiologjike, ose prodhimin , importin, shitjen ose shpërndarjen e një substance të kontrolluar ”. Administrata amerikane ende nuk ka lëshuar një deklaratë për të dhënë më shumë detaje rreth këtij veprimi arbitrar. Lista e të gjitha faqeve të internetit të kapura nga administrata amerikane nuk është ende në dispozicion. Padyshim, kjo betejë për të vërtetën nuk do të ndalet me këtë masë të pashembullt e cila dëshmon në mënyrën më të qartë të mundshme, fundin e një epoke, që shënoi një opinion ndërkombëtar të tejngopur nga thashethemet e France24, AFP, RFI, CNN, BBC. .. kundrejt parave kesh. Edhe në Izrael, kolonët sionistë i besojnë më shumë al Manar dhe al Ahad, sesa Maariv dhe Jerusalem Post. Nëse jo, si ta shpjegojnë këtë masë, e cila është krejtësisht armiqësore ndaj lirisë së shprehjes, për të cilën Mainstream Media pretendon të jetë e angazhuar. Sidoqoftë, media e rezistencës vazhdon të jetë e pandalshme. Qeveria aktuale e Amerikës po vazhdon saktësisht rrugën e qeverisë së mëparshme dhe kjo politikë nuk do të ketë asnjë rezultat tjetër, përveçse dështimit edhe më të madh të Uashingtonit. Ky veprim tregon natyrën arrogante të Uashingtonit dhe është shkelje flagrante dhe mosrespektim i qëllimtë i rregullave ndërkombëtare dhe rendit ndërkombëtar. Gjatë dy viteve të fundit rrjetet sociale Facebook, Twitter, Instagram dhe YouTube gjithashtu me pretekste të kota dhe me anë të sjelljeve në kundërshtim me protokollet dhe ligjet ndërkombëtare në fushën e lirisë së shprehjes, kanë mbyllur llogaritë dhe faqet e kanaleve ndërkombëtare të Frontit të Rezistencës dhe kanë imponuar kufizime shumë të ashpra ndaj rrjetet dhe kanalet informative të Rezistencës në sferën virtuale.