Eragçi: Është koha që palët e tjera të marrin vendime të vështira

Negociatori i lartë i Iranit në bisedimet e Vjenës për ringjalljen e marrëveshjes bërthamore të vitit 2015 theksoi se Teherani tashmë ka marrë vendimin e tij të vështirë për të shpëtuar marrëveshjen dhe tani është koha që palët e tjera të veprojnë në mënyrë të ngjashme për të shpëtuar marrëveshjen.

“Republika Islamike e Iranit tashmë ka marrë vendimin e saj të vështirë. Kur Shtetet e Bashkuara lanë marrëveshjen bërthamore dhe Irani vendosi të qëndrojë në të, ky ishte vendimi i madh dhe i vështirë i Iranit, i cili e ka mbajtur gjallë marrëveshjen bërthamore deri më sot, ”tha Eragçi. Negociatori i lartë i Iranit shtoi: "Tani është radha e palëve të tjera, dhe ato duhet të vendosin në funksion të negociatave që kemi zhvilluar deri më tani për të arritur në një konsensus përfundimtar se si të ringjallim marrëveshjen bërthamore, në mënyrë që të dy palët të arrijnë një marrëveshje ". Ai vuri në dukje se Irani dhe nënshkruesit e tjerë të marrëveshjes bërthamore deri më tani kanë zhvilluar gjashtë raunde negociatash në Vjenë për këtë qëllim dhe "pothuajse kanë arritur në fazat e fundit".