Presidenti iranian kërkon plan për zgjerimin e luftës kundër COVID-19

Presidenti i sapozgjedhur iranian Ebrahim Raisi të shtunën bëri thirrje për finalizimin e një plani për nxitjen e luftës kombëtare kundër pandemisë së COVID-19.

Presidenti i bëri deklaratat ndërsa foli gjatë një takimi të Shtabit Kombëtar të Luftës kundër pandemisë së koronavirusit. Raisi u bëri thirrje universiteteve të shkencave mjekësore të vendit, si dhe guvernatorëve të provincave në të gjithë vendin, që sa më shpejt të jetë e mundur të përcjellin përvojat e tyre në luftën kundër pandemisë në ministritë e Shëndetësisë dhe të Brendshme, duke u kërkuar atyre që të bëjnë çdo propozim të nevojshëm për të ndihmuar luftën kombëtare kundër pandemisë së COVID-19. Presidenti iranian tha se një plan gjithëpërfshirës për nxitjen e luftës kundër COVID-19 do të hartohet në një komitet special bazuar në përvojat e një viti e gjysmë, dhe ky plan javën tjetër do të jetë në axhendën e Shtabit Kombëtar të Luftës kundër pandemisë së koronavirusit.