Teherani: Shtetet e Bashkuara duhet të tregojnë "vullnet të mirë dhe sinqeritet"

Ministri i Jashtëm iranian Hossein Amir-Abdollahian theksoi se Shtetet e Bashkuara duhet të tregojnë "vullnet të mirë dhe sinqeritet" dhe të ndërmarrin një hap "serioz" para se të kthehen në bisedimet për heqjen e sanksioneve të Uashingtonit kundër Teheranit.

Alireza Salimi, një anëtar i Bordit Kryesues të Parlamentit iranian, dha detaje të një takimi me dyer të mbyllura me Amir-Abdollahian, raportoi  të Dielën agjencia e lajmeve Fars. Ai citoi ministrin e jashtëm të thoshte se politika e Iranit është "veprim kundrejt veprimit", ndërsa shtoi se Irani nuk do t'i lidhë planet e tij për të arritur zhvillim të qëndrueshëm ekonomik me bisedimet e ardhshme për heqjen e sanksioneve. Amir-Abdollahian përsëriti se ekipi negociator iranian do të përputhej me një ligj parlamentar për heqjen e sanksioneve dhe mbrojtjen e interesave kombëtare, tha ligjvënësi Alireza Salimi. Ai shtoi se konsultimet midis Iranit dhe Bashkimit Evropian mbi mundësinë e kthimit të Teheranit në bisedimet për marrëveshjen bërthamore do fillojnë në Bruksel të enjten.