Raisi: Ne po ndjekim me forcë heqjen dhe neutralizimin e sanksioneve

Presidenti i Republikës Islamike të Iranit të dielën tha: Qeveria iraniane po ndjek me forcë heqjen dhe neutralizimin e sanksioneve shtypëse.

Sipas agjencisë IRNA, Ajetollah Sejed Ibrahim Raisi, në një intervistë të drejtpërdrejtë televizive me kombin e madh të Iranit, iu referua prezantimit të teksteve iraniane për palën tjetër në bisedimet e fundit në Vjenë, në formën e dy tematikave, "heqjes së sanksioneve shtypëse" dhe "çështjeve bërthamore" dhe tha se sot i është vërtetuar botës se Irani merr pjesë në negociata me autoritet dhe dinjitet. Ajetollah Raisi deklaroi se heqja dhe neutralizimi i sanksioneve shtypëse është prioriteti i qeverisë iraniane dhe deri më tani ajo ka mbajtur më shumë se 100 takime dhe kontakte me liderë dhe zyrtarë të vendeve të ndryshme në botë. Në këtë intervistë, Presidenti i Republikës Islamike të Iranit iu referua edhe vizitës së tij të fundit në Taxhikistan dhe tha: “Pas kësaj vizite, marrëdhëniet ekonomike dhe tregtare mes dy vendeve janë trefishuar. Duke iu referuar pranisë së tij në Samitin e ECO-s, Ajetollah Raisi tha se dy takimet ishin një mundësi për Teheranin për të krijuar një hapësirë ​​të re për zgjerimin e marrëdhënieve me fqinjët dhe vendet e rajonit. Presidenti i Republikës Islamike të Iranit përmendi edhe nënshkrimin e disa marrëveshjeve me vendet fqinje, duke shtuar se këto marrëveshje do të publikohen së shpejti në media.