Raisi: Regjimi izraelit është armik i njerëzimit

Presidenti iranian Ebrahim Raisi e quajti regjimin izraelit "armik i njerëzimit", duke përmendur mizoritë e Tel Avivit kundër popujve të rajonit.

 "Ky regjim nuk mund të jetë kurrë një mik i kombeve muslimane," tha Presidenti iranian të mërkurën gjatë një takimi në Teheran me ministrin e Mbrojtjes të Azerbajxhanit, gjeneral kolonel Zakir Hasanov. "Okupimi dhe agresionet e sionistëve në të gjithë rajonin dhe kundër kombit palestinez janë një dëshmi e këtij fakti," shtoi Raisi. Presidenti iranian i konsideroi gjithashtu regjimin izraelit dhe Shtetet e Bashkuara si përgjegjëse për shfaqjen e grupeve terroriste takfiriste në rajon, duke përfshirë edhe grupin ISIS. "Këto grupe terroriste janë krijuar nga amerikanët dhe sionistët dhe kanë kryer aktivitete kriminale, kudo që kanë krijuar një prani," shtoi ai. Presidenti iranian tha gjithashtu se Republika Islamike ishte e përgatitur të ndajë progreset e saj teknike dhe inxhinierike me Republikën e Azerbajxhanit. Lidhjet e dy vendeve, tha ai, janë përtej "lidhjeve dypalëshe konvencionale" dhe më tepër shfaqnin një "marrëdhënie të thellë midis dy kombeve" që bazohet në besimet e tyre të përbashkëta fetare që janë forcuar gjatë historisë. "Politika e Iranit mbështetet në bashkëpunimin e gjerë me fqinjët e tij, veçanërisht me Azerbajxhanin," shtoi Ebrahim Raisi. Hasanov, nga ana e tij, i cilësoi takimet e tij të deritanishme me zyrtarët iranianë si të dobishme, të frytshme dhe pararendëse për bashkëpunim të mëtejshëm dypalësh.