Kthehen në Iran 100 iranianë me banim në Ukrainë

100 iranianë, mes të cilëve studentë që jetojnë në Ukrainë, janë kthyer në Iran mëngjesin e sotëm pas përpjekjeve të Ministrisë së Jashtme dhe kreut të Autoritetit të Aviacionit Civil dhe lëshimit të lejes së fluturimit nga Autoriteti Polak i Aviacionit.

Sipas agjencisë së lajmeve Mehr, Mir Akbar Razavi, zëdhënësi i Organizatës së Aviacionit Civil Iranian, deklaroi: "Në prag të festës së shpalljes së profetësisë së Profetit të Shenjtë (s.a.v.s.) dhe me ndjekjen e vazhdueshme të zyrtarëve të Ministrisë së Jashtme dhe të kreut të Organizatës së Aviacionit Civil, autoritetet e Aviacionit Civil të Polonisë lejuan një fluturim për të kthyer në Iran përmes Polonisë 100 studentë dhe bashkatdhetarë që banonin në Ukrainë. Ai shtoi: “Menjëherë pas dhënies së lejes së fluturimit, një avion Airbus 330 i Republikës Islamike të Iranit, i cili ishte përgatitur për këtë fluturim në orën 19:50 të mbrëmjes, me numër fluturimi 3513, ka fluturuar nga Teherani për në  Aeroportin Katowice të Varshavës. Lidhur me orën e kthimit të këtij aeroplani, Razavi tha:" Me koordinimin e bërë, aeroplani me studentë dhe bashkatdhetarë të dashur të vendit tonë është ulur në aeroportin Imam Khomeini të Teheranit në orën 04:50 të mëngjesit të së martës, më 1 mars. “Misioni më i rëndësishëm aktual i Ministrisë së Jashtme të Iranit është të adresojë plotësisht dhe urgjentisht situatën e iranianëve që jetojnë në Ukrainë, duke përdorur të gjitha kapacitetet”, tha Ministria e Jashtme e Iranit në një deklaratë.