Raisi: Teherani dëshiron zgjerimin e bashkëpunimit me Brukselin

Presidenti iranian Ebrahim Raisi në një bisedë telefonike me kryeministrin belg Alexander De Croo të mërkurën tha se Irani mirëpret përpjekjet për të forcuar lidhjet Teheran-Bruksel.

Presidenti iranian tha se të dy vendet kanë zhvilluar marrëdhëniet e tyre diplomatike bazuar në parimet e respektit të ndërsjellë dhe përfitimit reciprok, duke shtuar se Republika Islamike e Iranit mirëpret përpjekjet për forcimin dhe zgjerimin e lidhjeve midis Teheranit dhe Brukselit. Duke iu referuar fushave dhe kapaciteteve të mira në të dy vendet për të përmirësuar nivelin e bashkëpunimit, presidenti Raisi shtoi se shfrytëzimi i kapaciteteve potenciale në marrëdhëniet dypalëshe mund të jetë gjithashtu një terren i mirë për rritjen e bashkëpunimit mes dy vendeve. Duke vënë në dukje historinë e gjatë dhe pozitive të marrëdhënieve mes dy vendeve dhe duke i cilësuar këto marrëdhënie si të rëndësishme për Belgjikën, kryeministri belg shprehu shpresën se procesi i zgjerimit të marrëdhënieve dhe ndërveprimeve me Republikën Islamike do të lehtësohet nga zyrtarët e dy vendeve. Kryeministri belg tha se Belgjika kërkon të forcojë marrëdhëniet dypalëshe me Iranin, veçanërisht në fushën ekonomike dhe konsullore.