Marina e Iranit zmbraps një sulm piratësh në Gjirin e Adenit

Marina e Iranit njoftoi se forcat e saj kanë zmbrapsur një sulm piratësh kundër një anijeje tregtare që lundronte në Gjirin e Adenit.

Anija tregtare iraniane u sulmua herët të premten nga piratë të paidentifikuar, të cilët më vonë u detyruan të largoheshin pas një shkëmbimi zjarri me forcat e flotës së 80-të të Marinës së Iranit. Anija tani po lundron e sigurt në destinacionin e saj të caktuar falë veprimit në kohë të ekipit shoqërues të Marinës iraniane. Në tetor 2021, një luftanije iraniane pengoi me sukses një sulm piratësh ndaj një cisterne iraniane nafte në Gjirin e Adenit pas një shkëmbimi të rëndë zjarri. Marina e Iranit ka arritur të parandalojë disa sulme ndaj cisternave iraniane dhe të huaja gjatë misioneve të saj në ujërat ndërkombëtare. Aktualisht, flota e 80-të detare e Republikës Islamike të Iranit, duke përfshirë destrojerin Alborz dhe anijen shoqëruese detare Bushehr, po operojnë në Oqeanin Indian dhe Gjirin e Adenit për sigurinë e anijeve duke përfshirë anije tregtare dhe cisterna nafte.