Manifestuesit në Teheran dënojnë veprimet anti-islame të islamofobëve

Mijëra njerëz u mblodhën të premten në kryeqytetin iranian Teheran për të festuar përvjetorin e lindjes së Imam Rezait, Imamit të tetë të myslimanëve shiitë, dhe për të dënuar filmin kontrovers "Holy Spider" si dhe komentet anti-islame në Indi.

Njerëz nga shtresa të ndryshme të shoqërisë morën pjesë në ceremoni për të respektuar statusin e lartë të Imam Rezait, i cili konsiderohet nga iranianët një simbol i dashurisë dhe mirësisë hyjnore. Ceremonia erdhi disa ditë pasi filmi 'Holy Spider' u përshëndet gjatë Festivalit të Filmit në Kanë, të cilin myslimanët e konsideruan si një fyerje ndaj besimeve dhe shenjtërive islame. Zyrtarët iranianë besojnë se dhënia e çmimit këtij filmi është një veprim fyes dhe i motivuar politikisht dhe produkt i "mendjes së hutuar" të regjisores së tij danezo-iraniane, e mbështetur dhe financuar nga arroganca globale. Pjesëmarrësit e dënuan ashpër lëvizjen e bërë në Francë, duke thënë se veprime të tilla blasfemike nuk do të injorohen, nuk do të neglizhohen dhe nuk do harrohen kurrë. Ata gjithashtu protestuan kundër komenteve fyese të bëra kohët e fundit për Profetin Muhamed (savs) nga dy liderë të partisë në pushtet në Indi. Tubimi u dërgoi një mesazh të fortë armiqve të Islamit se muslimanët nuk do të qëndrojnë kurrë të heshtur dhe indiferentë ndaj fyerjeve kundër besimeve të tyre dhe figurave të shenjta fetare dhe janë të gatshëm t'i mbrojnë ato në çdo rrethanë.