Tërmet i fuqishëm në provincën Hormozgan

Një tërmet mbi 6 ballë të shkallës Rihter në provincën Hormozgan rezultoi me vdekjen e 5 personave dhe plagosjen e 39 të tjerëve.

 Mëngjesin e sotëm, një tërmet me magnitudë 6.1 të shkallës Rihter në një thellësi prej 10 kilometrash goditi qytetet Bandar Khomeir dhe Bandar Lange në provincën Hormozgan, në jug të Iranit, dhe më pas një tërmet tjetër me magnitudë po 6.1 të shkallës Rihter në një thellësi prej 28 kilometra goditi zonën Bandar Lange.  Një tërmet me magnitudë 3.6 të shkallës Rihter në një thellësi prej 26 km ka tronditur zonën e Bandar Khomerit. Sipas statistikave zyrtare të tërmeteve të forta në perëndim të provincës Hormozgan, deri më tani 5 persona kanë humbur jetën dhe 39 janë plagosur në fshatin Sajeh Khosh i Bandar Lange. Të plagosurit u dërguan në spitalet Bandar Lange dhe Bandar Khomeir. Ministri i Shëndetësisë, Trajtimit dhe Edukimit Mjekësor Bahram Ainullahi, në një lidhje telefonike me “Jaafar Miyadfar”, shefin e urgjencës në vend, bëri thirrje për vëmendje dhe gatishmëri të menjëhershme të spitaleve të kësaj krahine dhe mobilizimin e të gjitha objekteve që të presin viktimat e tërmetit në provincën Hormozgan.