Irani shpreson se armëpushimi do të sjellë paqen në Jemen

Ministri i Jashtëm iranian Hossein Amir-Abdollahian deklaroi se Irani mbështet një armëpushim të vazhdueshëm në Jemen, duke e quajtur atë një pararendës të mundshëm për vendosjen e paqes së qëndrueshme në vendin e shkatërruar nga lufta.

Kryediplomati iranian i bëri komentet të dielën gjatë një takimi në Teheran me Mohammed Abdul-Salam, zëdhënës i lëvizjes së rezistencës popullore Ansarullah të Jemenit, i cili ka udhëtuar në Republikën Islamike për t'u takuar me zyrtarë të lartë iranianë. Amir-Abdollahian vuri theksin në ekzistencën e një marrëdhënieje të thellë dhe historike midis Iranit dhe Jemenit, duke thënë: "Republika Islamike në mënyrë konstante ka shprehur mbështetjen e saj për realizimin e kërkesave dhe vullnetit të popullit jemenas". Ministri i Jashtëm iranian shprehu gjithashtu shpresën për eliminimin e plotë të bllokadës që Arabia Saudite dhe aleatët e saj kanë zbatuar kundër kombit më të varfër të botës arabe që nga viti 2015. Mohammed Abdul-Salam, zëdhënës i lëvizjes së rezistencës popullore Ansarullah të Jemenit, nga ana e tij, shprehu mirënjohjen ndaj Republikës Islamike për mbështetjen e saj për popullin jemenas, dhe e informoi ministrin e Jashtëm iranian për zhvillimet e fundit në vendin e tij. Zyrtari jemenas kritikoi koalicionin agresor të udhëhequr nga Arabia Saudite për zbatimin e pamjaftueshëm të komponentëve kryesorë të armëpushimit. Ai e konsideroi respektimin e çështjeve humanitare në Jemen nga koalicioni saudit si vendimtar për avancimin e paqes së drejtë në Jemen.