Ghalibaf: Armiqtë nuk kanë aftësinë për të sulmuar ushtarakisht Iranin

Kryetari i Parlamentit Islamik të Iranit gjatë paradës së forcave të armatosura theksoi se armiqtë nuk kanë aftësinë për të sulmuar ushtarakisht Iranin.

Kryetari i Parlamentit Islamik theksoi: “Mbrojtja e shenjtë prodhoi një kulturë të madhe për vendin". Sipas agjencisë së lajmeve Sepah News, Mohammed Baker Ghalibaf, Kryetari i Parlamentit Islamik të Iranit, sot (e enjte) gjatë paradës kombëtare të forcave të armatosura me rastin e fillimit të Javës së Mbrojtjes së Shenjtë, e cila u mbajt në Bandar Abbas, tha: Sot, Forcat e armatosura janë mishërimi i paqes dhe stabilitetit në rajon dhe simbol i autoritetit kombëtar të Republikës Islamike, dhe ne jemi krenarë për to. Ghalibaf shtoi: Ne jemi dëshmitarë të pasigurisë në rajone të ndryshme, duke përfshirë Azinë Jugperëndimore, Kaukazin, brigjet e Mesdheut dhe një pjesë të Afrikës. Ndërkohë, siguria në vend ekziston nën hijen e fuqisë dhe autoritetit të forcave të armatosura dhe me përpjekjet e këtyre forcave sot kemi arritur kulmin e fuqisë parandaluese. Kryeparlamentari iranian gjithashtu tha: Forcat e Armatosura të Iranit janë ndër 10 forcat më të mira në botë me pajisje, industri, shkencë dhe teknologji. Sot duhet të ndjekim shembullin e kulturës së mbrojtjes së shenjtë në fushën ekonomike, kulturore, sociale dhe politike dhe në fusha të tjera të administrimit të vendit.