Irani thërret të ngarkuarin me punë të Suedisë për sulmin ndaj ambasadës

Ministria e Jashtme e Iranit ka thirrur të ngarkuarin me punë të Suedisë për të protestuar kundër sulmit ndaj ambasadës iraniane në Stokholm.

Drejtori i Përgjithshëm i Protokollit të Ministrisë së Jashtme iraniane thirri diplomatin suedez të premten në mungesë të ambasadorit për të përcjellë protestën e fortë të Republikës Islamike në lidhje me dështimin e policisë suedeze për të marrë masat e plota të sigurisë të kërkuara në përputhje me Konventën e Vjenës. I ngarkuari me punë i Suedisë tha se do t'ia përcjellë protestën qeverisë suedeze. Ndërkohë, Ministria e Jashtme e Iranit të premten shprehu gjithashtu protestën e saj ndaj Belgjikës për një sulm të ngjashëm në Ambasadën e Republikës Islamike në Bruksel. Ministria e Jashtme e Iranit tha se Belgjika është padyshim përgjegjëse për garantimin e sigurisë së misioneve të huaja diplomatike bazuar në Konventën e Vjenës. Ambasada e Iranit në Bruksel e dënoi gjithashtu sulmin.