Irani kundërshton manipulimin e kufijve në rajon

Ministri i Jashtëm iranian Hossein Amir-Abdollahian ripohoi kundërshtimin e drejtpërdrejtë të Iranit ndaj çfarëdo ndryshimi gjeopolitik në rajon dhe manipulimit të kufijve të vendeve të rajonit.

Diplomati i lartë iranian e nënvizoi këtë çështje gjatë një takimi të premten në Nju Jork me homologun e tij azerbajxhanas Xhejhun Bajramov. Republika Islamike, shtoi ai, ishte e përgatitur të ndihmonte si Azerbajxhanin, ashtu edhe fqinjin e saj Armeninë për të zgjidhur mosmarrëveshjet e tyre. "Republika Islamike është e përgatitur të ndihmojë të dy palët e mosmarrëveshjes për të zgjidhur mosmarrëveshjet midis tyre në mënyrë paqësore, përmes konsultimit me zyrtarët e dy vendeve," tha Amir-Abdollahian. Javët e fundit kanë qenë dëshmitarë të rifillimit të përleshjeve vdekjeprurëse midis dy palëve mbi rajonin e diskutueshëm të Nagorno-Karabakut. Rreth 200 forca janë vrarë nga secila anë gjatë përleshjeve. Një armëpushim i dha fund gjakderdhjes, por situata mbetet e tensionuar rreth kufirit të përbashkët. Nga ana e tij, Bajramov kundërshtoi zhvillimin e ndonjë ndryshimi në rendin gjeopolitik të rajonit. Ai shprehu gatishmërinë e Bakut për zgjidhje të shpejtë të mosmarrëveshjeve territoriale dhe kufitare me Jerevanin përmes "bashkëpunimit ndërrajonal".