Spiuni i shërbimit inteligjent sionist është arrestuar në provincën Kerman

Shefi i sistemit të drejtësisë së provincës Kerman në perëndim të Iranit njoftoi arrestimin e një personi të akuzuar për spiunazh për shërbimin inteligjent sionist në këtë provincë.

Ebrahim Hamidi tha: Pas masave të gjera dhe të koordinuara teknike dhe inteligjente nga forcat e sigurisë në Organizatën e Inteligjencës së Gardës Revolucionare, një nga personat e lidhur me shërbimin inteligjent të regjimit sionist, i cili po planifikonte të kryente disa akte subversive në provincën Kerman, u identifikua dhe u arrestua në një aksion parandalues. Shefi i drejtësisë së provincës Kerman, duke deklaruar se i arrestuari ishte aktiv në vend nën maskën e punës dhe biznesit të lirë, tha: I akuzuari ka bërë disa udhëtime në vende të ndryshme me qëllim të transferimit të informacionit dhe trajnimit për spiunazh dhe aksione subversive nëpërmjet komunikimit me oficerët e inteligjencës të regjimit sionist, dhe udhëtimi i tij i fundit, ka qenë në Erbil kryeqytet i Kurdistanit të Irakut. Individi u raportua se përdorte platforma të mediave sociale dhe softuer të koduar për të komunikuar me spiunët dhe agjencitë ushtarake të regjimit izraelit. I arrestuari, thuhet në raport, synonte të largohej nga Irani për t'u takuar me një agjent izraelit në një nga vendet e rajonit dhe për të marrë një mision të ri, por ai u arrestua para se të largohej nga vendi.