Rahim Safavi: Armiqtë e dinë se sa i fuqishëm është Irani

Ndihmësi dhe Këshilltari i lartë i Komandantit të Përgjithshëm theksoi: Armiqtë e dinë se sa e fuqishme është Republika Islamike e Iranit.

“Gjeneral Major Sejed Jahja Rahim Safavi” asistent dhe këshilltar i lartë i Komandantit të Përgjithshëm, në konferencën e parë kombëtare mbi qasjet e reja në menaxhimin e kufirit tha: Armiqtë e Iranit e dinë mirë se sa i fuqishëm është Irani; Ata e njohin shumë mirë vendndodhjen gjeografike dhe gjeopolitike të Iranit. Sipas Klubit të Gazetarëve të Rinj, Rahim Safavi shtoi: Jemi dëshmitarë të ndryshimit dhe transformimit të koncepteve të sigurisë dhe pushtetit në shkallë globale dhe rajonale. Ndihmësi dhe këshilltari i lartë i komandantit të përgjithshëm gjithashtu tha: Komanda e Rojës Kufitare është krenari për Iranin dhe veprimtaria e aparatit policor të vendit ka qenë e mençur gjatë gjithë viteve të veprimtarisë së saj. Gjeneralmajor Rahim Safavi vuri në dukje se: Qëllimi kryesor i armiqve të Iranit është të mërzitin dhe zemërojnë njerëzit dhe ata kanë krijuar një front të përbashkët kundër Iranit. Ndihmësi dhe këshilltari i lartë i komandantit të përgjithshëm tha: Zgjerimi i bregdetit portual drejt Oqeanit Indian, zhvillimi i porteve dhe hekurudhave, tranziti i mallrave nga porti Chabahar në Afganistan, Azinë Qendrore dhe Rusi, transferimi i linjave të naftës së papërpunuar nga ishulli Khark në portin e Jask, tranziti i mallrave, energjisë elektrike dhe karburantit në Afganistan dhe ecuria e lidhjeve që erdhi si rrjedhojë e gazsjellësit Iran-Pakistan dhe vendosja e marrëdhënieve ekonomiko-politike dhe tregtare me Pakistanin, janë mundësitë e Republikës Islamike të Iranit në fushën gjeopolitike.