Bisedë telefonike e presidentëve të Iranit dhe Rusisë

Presidenti iranian Ebrahim Raisi theksoi të enjten nevojën për bashkëpunim të mëtejshëm midis Teheranit dhe Moskës.

Duke folur gjatë një bisede telefonike me homologun e tij rus Vladimir Putin, Presidenti Raisi e cilësoi bashkëpunimin mes dy vendeve fqinje si konstruktiv dhe pozitiv. Të dy presidentët shqyrtuan çështje të rëndësishme në marrëdhëniet dypalëshe si dhe zhvillimet më të fundit rajonale. Presidenti Raisi tha se Irani mbështet zgjidhjen paqësore të çështjeve në Siri. Presidenti rus, nga ana e tij, shprehu gatishmërinë e vendit të tij për të përmirësuar bashkëpunimin me Iranin në fushën e energjisë, transportit dhe tranzitit. Presidenti Putin nënvizoi gjithashtu rëndësinë e negociatave për Sirinë në kuadër të bisedimeve në Astana dhe tha se të gjitha palët negociuese janë të përkushtuara për suksesin e bisedimeve.