Presidenti Raisi: Marrëdhëniet midis Iranit dhe Sirisë bazohen në frymën e rezistencës

Presidenti iranian Ebrahim Raisi tha të martën se marrëdhëniet midis Iranit dhe Sirisë bazohen në frymën e rezistencës së popujve të të dy vendeve.

Presidenti Raisi i bëri deklaratat gjatë një takimi në Teheran me ministrin sirian të Mbrojtjes Ali Mahmud Abbas. Irani është një mik i vërtetë i Sirisë, tha Presidenti Raisi, duke shtuar se pasi Irani qëndroi pranë qeverisë dhe kombit sirian gjatë luftës kundër terrorizmit, Teherani është gjithashtu i gatshëm të qëndrojë pranë tyre në epokën e rindërtimit. Ministri sirian i Mbrojtjes, nga ana e tij, tha se, me ndihmën e vëllezërve dhe miqve të saj të vërtetë, Siria doli fituese në luftën kundër terrorizmit dhe më shumë se më parë do të luajë rolin e saj si një nga hallkat e boshtit të rezistencës. Ai tha se boshti i rezistencës do të ketë një rol kyç në formësimin e botës së re. Armiqtë gjithmonë kanë kërkuar të prishin marrëdhëniet midis Iranit dhe Sirisë, tha ministri sirian i Mbrojtjes, duke shtuar se marrëdhëniet midis dy vendeve janë shumë më të forta dhe më të rrënjosura sesa të dëmtohen nga përpjekje të tilla.