Gjeneral Kaeni viziton zonat e prekura nga tërmeti në qytetin e Alepos

Gjeneral brigade Ismail Kaeni, komandanti i Forcave Kods të Korpusit të Gardës Revolucionare Islamike, mbërriti në qytetin e Alepos në veriperëndim të Sirisë për të mbikëqyrur dërgimin e ndihmave për popullin sirian.

Gjeneral Ismail Kaeni gjatë vizitës në zonat e dëmtuara të qytetit të Alepos, mbikëqyri punën e shpëtimtarëve iranianë të pranishëm në vendet  e dëmtuara nga tërmeti në Alepo. Vizita e gjeneral Kaeni në zonat e goditura nga tërmeti në qytetin e Alepos është në kohën kur avioni i katërt që transportonte ndihmat humanitare të Republikës Islamike të Iranit për popullin e goditur nga tërmeti në Siri të mërkurën në mbrëmje u ul në aeroportin ndërkombëtar të Alepos (në veriperëndim të Sirisë). Ngarkesa e aeroplanit të katërt me ndihma të Republikës Islamike të Iranit për popullin sirian përfshin ndihmat humanitare si batanije, tenda, ilaçe, ushqime dhe furnizime të tjera të nevojshme për personat e prekur nga tërmeti. Mëngjesin e së hënës, një tërmet me magnitudë 7.8 ballë të shkallës Rihter goditi jugun e Turqisë. Ky tërmet shkaktoi dëme të shumta, vdekjen e rreth 15 mijë personave dhe plagosjen e më shumë se 40 mijë të tjerëve. Ndërsa në Siri ky tërmet vrau rreth 2370 njerëz dhe plagosi me qindra të tjerë. Pas tërmetit, zyrtarët e lartë të Iranit, përfshirë krerët e forcave të armatosura, duke u simpatizuar me qeverinë dhe popullin e Turqisë dhe Sirisë, deklaruan gatishmërinë e tyre për dërgimin e ndihmës emergjente dhe deri më tani në këto vende në disa faza janë dërguar ndihma të shumta humanitare.