Kamalvandi: Deri tani nuk kemi pasuruar më shumë se 60%

Zëdhënësi i Organizatës së Energjisë Atomike deklaroi se Republika Islamike e Iranit nuk ka pasuruar më shumë uranium se 60% deri më tani dhe tha: Detyra e anëtarëve të Agjencisë është të kujdesen për statusin e saj profesional dhe nuk duhet ta lejojnë këtë organizatë ndërkombëtare të keqpërdoret për qëllime politike.

 Behrouz Kamalvandi, Zëvendës i Organizatës së Energjisë Atomike, për pretendimin e Bloomberg tha: Materiali i publikuar është shpifje dhe shtrembërim i fakteve dhe prania e një grimce apo grimcash të uraniumit mbi 60% në procesin e pasurimit nuk do të thotë pasurim mbi 60%. Ai theksoi: “Për fat të keq, agjencia është kthyer në një mjet presioni dhe kjo lloj performance ndikon negativisht në besueshmërinë dhe dinjitetin e kësaj organizate të rëndësishme ndërkombëtare”. Zëdhënësi i Organizatës së Energjisë Atomike tha: Regjimi sionist dhe vendet arrogante janë ata që po keqpërdorin më së shumti agjencinë ndërkombëtare. Kamalvandi shtoi: Detyra e anëtarëve të agjencisë është të kujdesen për statusin e saj profesional dhe nuk duhet të lejojnë që kjo organizatë ndërkombëtare të keqpërdoret për qëllime politike. Në një raport lajmesh, agjencia e lajmeve Bloomberg pretendoi se inspektorët e Agjencisë Ndërkombëtare të Energjisë Atomike javën e kaluar kanë zbuluar uranium 84% të pasuruar në Iran.