Presidenti Raisi uron shtetet myslimane për festën e Fitër Bajramit

Presidenti i Republikës Islamike të Iranit Ebrahim Raeisi ka përcjellë urimet e tij për liderët dhe kombet e vendeve myslimane me rastin e festës së Fitër Bajramit, duke kërkuar më shumë unitet dhe bashkëpunim.

Në mesazhe të veçanta të premten, Raisi tha se Fitër Bajrami është festa e kthimit në natyrën njerëzore dhe koha e krenarisë dhe gëzimit për popullin agjërues dhe besimtar. Ai shprehu shpresën se me bekimin e këtij Bajrami të mbarë, respektimin e mësimeve të mëdha islame dhe përpjekjet e përbashkëta, vendet myslimane do të forcojnë unitetin, solidaritetin dhe bashkëpunimin për të realizuar idealet jetëdhënëse të fesë islame. Miliona njerëz në shumë vende myslimane festuan të premten Fitër Bajramin, duke shënuar përfundimin e muajit të shenjtë të Ramazanit. Myslimanët në vendet e tjera myslimane si Irani dhe Iraku do ta shënojnë Fitër Bajramin të shtunën me lutje masive mbarëkombëtare.