Irani do të nisë fluturime të rregullta javore drejt Arabisë Saudite

Irani po planifikon të nisë fluturime të rregullta javore për në Arabinë Saudite bazuar në një kërkesë zyrtare nga Riadi dhe në mes të një përmirësimi në marrëdhëniet dypalëshe midis dy vendeve.

Ministri i Transportit i Iranit, Mehrdad Bazrpash, tha të dielën se autoritetet saudite i kishin kërkuar Iranit të nisë tre fluturime të rregullta në javë për në vendin arab. Bazrpash tha se fluturimet do të nisin pavarësisht nga marrëveshjet ekzistuese midis dy vendeve për fluturimet që transportojnë pelegrinët iranianë në ceremoninë e haxhit në Arabinë Saudite. “Nisja e fluturimeve ndërmjet Iranit dhe Arabisë Saudite, përveç fluturimeve për haxhin, është marrë në konsideratë për të zgjeruar bashkëpunimet dypalëshe”, tha ministri i Transportit i Iranit, duke shtuar se Irani do të bëjë çmos për të nisur fluturimet. Njoftimi vjen pas marrëveshjes mes Iranit dhe Arabisë Saudite për të rihapur ambasadat dhe për të rivendosur marrëdhëniet diplomatike rreth shtatë vjet pasi të dy vendet ndërprenë lidhjet e tyre zyrtare. Ekspertët theksojnë se afrimi midis Iranit dhe Arabisë Saudite mund të hapë rrugën për një zgjerim të madh të lidhjeve ekonomike dhe tregtare midis dy vendeve.