Raisi: Rritja e kapaciteteve prodhuese të naftës në vend duhet të vazhdojë

Presidenti i Republikës Islamike të Iranit deklaroi: "Me shfrytëzimin e projekteve të industrisë së naftës, prodhimit të vendit sot iu shtuan 45 mijë fuçi naftë dhe ky kapacitet duhet të vazhdojë".

Agjencia e lajmeve IRNA njoftoi se Sejed Ebrahim Raisi të premten në ceremoninë e përurimit të projektit mjedisor "Rafineria e Gazit të Gjirit Persik Huveize" në rajonin perëndimor të Karunit, deklaroi se marrëdhëniet bashkëpunuese midis industrisë së naftës dhe kompanive me bazë shkencore është rritur në masë të konsiderueshme gjatë periudhë së qeverisë së 13-të në Iran. Ai vazhdoi: "Numri i kompanive me bazë shkencore aktive në industrinë e naftës është rritur nga 100 në 500 kompani dhe Ministria e Naftës po kryen projekte të përbashkëta me këto kompani. Industria e naftës dhe gazit në vend duhet të zhvillohet në bazë të njohurive shkencore bazë dhe teknologjike në mënyrë që të gjitha projektet të kenë njohuritë më të fundit dhe më moderne shkencore".

Duke theksuar punën afatgjatë në industrinë e naftës dhe gazit, presidenti iranian shtoi: "Grumbullimi i 250 milionë metra kub gaz pishtar nga rafineria e gazit Huvejze dhe shndërrimi i tij në gaz të përdorshëm në rrjetin kombëtar të gazit, është një detyrë dhe një punë e madhe që është realizuar gjatë kësaj kohe. Prodhimit të vendit iu shtuan sot 45 mijë fuçi naftë me shfrytëzimin e projekteve të industrisë së naftës dhe ky kapacitet duhet të vazhdojë".

Sejed Ebrahim Raisi deklaroi se djegia e gazit me naftë nga pishtarët flakërues shkakton pakënaqësi dhe tha se djegia e kësaj sasie të gazit me vendburimin e naftës përveçse është humbje e pasurisë kombëtare, ajo krijon edhe probleme mjedisore për rajonin. Prandaj, me përurimin e këtyre projekteve është arritur të mënjanohet një gjë e tillë dhe të shfrytëzohen lëndët e energjisë në mënyrë më të mirë dhe më ekonomike në Iran.