Kanani: Lëvizjet rajonale të regjimit sionist nuk fshihen nga sytë e Iranit

Zëdhënësi i Ministrisë së Punëve të Jashtme të Republikës Islamike të Iranit shkroi në një postim në Twitter: "Foleja e merimangës nuk mund të mbështetet dhe lufta për të zgjeruar praninë rajonale nuk do të ndihmojë në rivendosjen e themelit të brendshëm tashmë të lëkundur të regjimit fals sionist”.

Zëdhënësi i Ministrisë së Punëve të Jashtme të Iranit Naser Kanani, në një postim në llogarinë e tij në rrjetet sociale, ka shkruar: "Asnjë nga lëvizjet rajonale të regjimit sionist nuk mbetet e fshehur nga sytë vigjilent të Republikës Islamike të Iranit. Regjimi sionist është i urryer nga popujt e botës dhe nuk do të ketë të ardhme".

Duket se ky postim në Twitter është një reagim ndaj vizitës së kreut të regjimit sionist në Republikën e Azerbajxhanit. Isaac Herzog, kreu i regjimit sionist ka mbërritur dje (e martë, 30 maj) në Baku, kryeqytetin e Republikës së Azerbajxhanit.

Pavarësisht kundërshtimit të popullit fetar mysliman, Republika e Azerbajxhanit hapi ambasadën e saj në Tel Aviv në fillim të këtij viti 2023, duke vazhduar të zhvillojë marrëdhëniet me regjimin sionist.