Bloomberg: Eksportet e naftës të Iranit thyen rekordin 5-vjeçar

Revista Bloomberg, duke cituar institucione energjetike dhe ekspertë, njoftoi se eksportet e naftës iraniane kanë arritur nivelin më të lartë në pesë vitet e fundit, pra pas tërheqjes së Shteteve të Bashkuara nga JCPOA dhe kthimit të sanksioneve.

Revista Bloomberg në një raport të saj duke cituar institute dhe organizata ekspertësh shkruante se pavarësisht sanksioneve të SHBA-së, Irani eksportoi sasinë më të madhe të naftës bruto në 5 vitet e fundit (pas kthimit të sanksioneve) dhe forcoi praninë e tij në skenën gjeopolitike. Duke cituar të dhëna nga Agjencia Ndërkombëtare e Energjisë, FGE dhe Kompania e Informacionit të Mallrave (kpler), Bloomberg shtoi se që nga kthimi i sanksioneve amerikane kundër Iranit në vitin 2018, eksportet e naftës iraniane kanë arritur nivelin më të lartë. Sipas Bloomberg, vëllimi më i madh i eksporteve të naftës iraniane shkon në Kinë, sepse ky vend është importuesi më i madh i naftës në botë. Ndërsa Bloomberg thotë se shumica e eksporteve të naftës të Iranit bëhen drejt Kinës, zyrtarët iranianë njoftuan së fundmi se edhe Gjermania i është bashkuar klientëve të naftës iraniane.