Takimi i ministrit të Mbrojtjes së Rusisë me gjeneralmajor Bagheri

Ministri i Mbrojtjes i Rusisë, i cili ka vizituar Teheranin, takoi dhe bisedoi me shefin e Shtabit të Përgjithshëm të Forcave të Armatosura të Iranit.

Në këtë takim, gjeneralmajor Mohammad Bagheri, shef i Shtabit të Përgjithshëm të Forcave të Armatosura iraniane dhe Sergei Shoigu, Ministri i Mbrojtjes i Rusisë, shkëmbyen mendime për zhvillimin e diplomacisë së mbrojtjes, zgjerimin e bashkëpunimit dypalësh, përballimin e kërcënimeve të përbashkëta dhe ndërkombëtare. Ministri i Mbrojtjes i Rusisë ka vizituar Teheranin me ftesë zyrtare të Shefit të Shtabit të Përgjithshëm të Forcave të Armatosura të Iranit dhe gjatë vizitës së tij do të takohet dhe diskutojë me zyrtarë të lartë ushtarakë të Republikës Islamike të Iranit. Irani dhe Rusia ndajnë interesa dypalëshe në fushat strategjike, veçanërisht në marrëdhëniet ekonomike, ushtarake dhe të sigurisë, si dhe çështjet rajonale dhe ndërkombëtare si përballja me unilateralizmin amerikan dhe kjo ka qenë një nga faktorët kryesorë të bashkëpunimit të ngushtë mes dy palëve në vitet e fundit.