Udhëheqësi i hebrenjve iranianë: Regjimi sionist nuk mund të përfaqësojë judaizmin

Udhëheqësi i hebrenjve iranianë tha se regjimi sionist nuk mund të përfaqësojë judaizmin, ashtu si grupi terrorist takfirist ISIS nuk mund të përfaqësojë Islamin.

Rabini Younes Hamami-Lalehzar, i bëri komentet të enjten në një intervistë me Kanalin Press TV.

“Ashtu si ISIS-i nuk mund të përfaqësojë Islamin, regjimi sionist nuk mund të përfaqësojë judaizmin. Fatkeqësisht, regjimi sionist keqpërdor një sërë idealesh të judaizmit dhe ndërmerr veprime që kanë pasur shumë kundërshtarë mes vetë hebrenjve që nga ardhja e Sionizmit.” “Kundërshtarët e parë të Sionizmit ishin vetë hebrenjtë. Asnjë njeri i mençur nuk e miraton vrasjen e personave me aftësi të kufizuara që janë në spital.”

Deklaratat e tij erdhën dy ditë pasi bota u trondit kur Izraeli kreu një sulm me raketa në Spitalin al-Ahli të drejtuar nga anglikanët, i njohur gjithashtu si Spitali Baptist, në Gazën qendrore. Sulmi brutal ajror vrau të paktën 700 njerëz dhe plagosi qindra të tjerë.

“Kur flasim për vrasje dhe shkelje të të drejtave të njeriut, mendja e çdo personi që shqetësohet për njerëzimin bëhet e preokupuar. Dua t'i dënoj këto krime fillimisht si njeri dhe më pas si hebre. Shpirtrat tanë janë plot dhimbje për shkak të asaj që ndodh. Ne jemi të shqetësuar për njerëzit e pafajshëm që janë kapur nga ekstremistët”, tha ai.