Raisi: SHBA, mbështetësi kryesor i masakrës ndaj palestinezëve

Presidenti iranian Ebrahim Raisi ka kritikuar Shtetet e Bashkuara për veton ndaj një rezolute të OKB-së që bënte thirrje për një armëpushim të menjëhershëm humanitar në Gaza.

Në një kohë që bota kërkon t'i jepet fund krimeve të luftës të Izraelit në Palestinë, vetoja e SHBA-së ndaj rezolutës së armëpushimit të KS OKB-së dëshmon se Amerika është rrënja e luftës së regjimit sionist në Gaza dhe e krimeve të tij kundër njerëzve në territorin e rrethuar, tha të dielën Raisi në një postim në llogarinë e tij X.

"SHBA është mbështetësi kryesor i masakrimit të grave dhe fëmijëve të pafajshëm të Gazës," tha ai.

Qeveria amerikane me veton e vendosur ndaj rezolutës së KS OKB vërtetoi edhe një herë se është fajtori dhe pala kryesore për vrasjen e civilëve palestinezë, veçanërisht grave dhe fëmijëve, dhe për shkatërrimin e infrastrukturës jetike në Gaza, shtoi Presidenti iranian.