Irani i vendosur të detyrojë aeroplanmbajtësen amerikanë të largohet nga ujërat rajonale

Komandanti i Marinës iraniane kundëradmirali Shahram Irani tha se Irani është i vendosur të dëbojë nga ujërat rajonale një aeroplanmbajtëse amerikane që është vendosur nën pretekstin e parandalimit të një përshkallëzimi të konfliktit në Palestinë.

Kundëradmirali Irani tha të hënën se Marina iraniane është bërë një forcë e madhe me ndikim në rajon, duke shtuar se Marina iraniane nuk do të shtrëngohet nën presionin e fuqive jashtërajonale.

Ai përjashtoi pretendimet se USS Dwight D. Eisenhower ka mbërritur në rajon për të ndryshuar ekuacionet ushtarake dhe politike në rajon.

"Duhet thënë se ata kanë ardhur në rajon për të mbjellë përçarje dhe për të përmbushur nevojat e tyre... ne së shpejti do t'i detyrojmë ata të largohen nga rajoni," tha të hënën komandanti i Marinës iraniane teksa fliste në një tubim në Teheran që u fokusua në aktivitetet detare të Iranit në ujërat e tij juglindore.

Komentet e tij vijnë mes një situate të brishtë detare në rajon, për të cilën shumë besojnë se është rezultat i drejtpërdrejtë i konfliktit në Palestinë, ku regjimi izraelit është përfshirë në një fushatë të pamëshirshme ushtarake në Rripin e Gazës për më shumë se dy muaj.