Dërgimi i drejtuar i barnave në qelizat e kancerit me nanosisteme iraniane

Studiuesit iranianë të nanomjekësisë kanë zbuluar nanosisteme të reja për dërgimin e drejtuar të barnave në qelizat kancerogjene.

Sipas agjencisë së lajmeve IRIB, studiuesit në fushën e nanomjekësisë në Iran arritën të përgatisnin dhe identifikonin nanosisteme të reja për shpërndarjen e ilaçeve të lëndëve të ngurta organike dy ose tre-dimensionale me struktura të gjera në qelizat e kancerit. Hassan Namazi, student i doktoraturës në kiminë e polimerit organik nga Universiteti Dalhousie në Kanada dhe profesor në Universitetin e Tabrizit, në një intervistë për agjencinë e lajmeve IRIB tha:  Vitet e fundit, sistemet e reja të mbartësve të barnave, veçanërisht transportuesit e bazuar në nanogrimca poroze me kapacitet të lartë ngarkues dhe çlirimi të kontrolluar të barnave, kanë kapërcyer në masë të madhe problemet dhe kufizimet. Namazi shtoi: Në ditët e sotme, studiuesit në fushën e nanomjekësisë hulumtojnë dhe studiojnë efektin e përdorimit të nanomaterialeve në kurimin e sëmundjeve në fushën e biomjekësisë dhe rezultatet e publikuara tregojnë se përgjithësisht nanomaterialet janë në gjendje të ofrojnë qasje më efektive në diagnostikimin e sëmundjeve dhe kurimin e tyre me ilaçe. Kimioterapia është mënyra më e zakonshme për trajtimin e kancerit, por përdorimi i drejtpërdrejtë i barnave kundër kancerit shoqërohet me shumë efekte anësore të padëshiruara. Në dekadat e fundit, janë bërë shumë studime në fushën e projektimit të sistemeve të reja të shpërndarjes së barnave, veçanërisht duke përdorur nanogrimcat. Vitet e fundit, studiues dhe shkencëtarë të rinj iranianë kanë arritur sukses të konsiderueshëm në zbulimin e ilaçeve ose metodave të reja për kurimin e sëmundjeve të ndryshme, përfshirë kancerin. Irani ka arritur suksese të konsiderueshme në zbulimin e barnave dhe metodave të reja të kurimit në rajon dhe në botë.